Monday, December 14, 2009

బాపు గారి 76వ పుట్టినరోజు

సాక్షి నామ సంవత్సరంలో జన్మించిన దర్శకుడికి 76 సంవత్సరాలు నిండుతాయి ఈ 15 డిసెంబరు రోజు. ఆ బామ్మల బ్రహ్మకు పుట్టినరోజు శుభాకాంక్షలు చెబుదామని వెళ్ళాము. 15 నాడైతే బాపు గారు శుభాకాంక్షలు చెప్పడానికి వచ్చినవారితో busyగా వుండి వారితో గడపడానికి మాకు సమయం దొరకదని 2 రోజులు ముందే అంటే 13 డిసెంబరు (ఆదివారం) చెన్నైలోని బాపు గారింటికి వెళ్ళాము. వారి ఇంట్లో వారంతా మమ్మల్ని వాళ్ళింట్లో వాళ్ళలాగా చూసుకున్నారు. ఉదయం 8 నుంచి రాత్రి 8 (మధ్యలో ఒక 2 గంటలు రమణగారితో మాట్లాడే భాగ్యం కలిగింది) దాకా మాట్లాడే సువర్ణావకాశం దొరికింది. బొమ్మల గురించి, సిన్మాల గురించి చాలా మాట్లాడుకున్నాము (ఆ వివరాలు తర్వాత వివరంగా వ్రాస్తాను). మేమెంతగా enjoy చేసామో చెప్పలేము. మా ఆనందం పరవశం చూసి అనుకుంటా, మధ్యాహ్నం కాసేపు నిద్రపోయే అలవాటు వున్న బాపు గారు, మాతో అలాగే కూచున్నారు. వారి కొత్త బొమ్మలు చూపించారు. వాటి వెనకున్న కథాకమామిషూ చెప్పారు. వారి collectionలో వున్న కొన్ని బొమ్మల పుస్తకాలు చూపించి వాటి గొప్పతనం చెప్పారు. మేము తిరిగి వస్తున్నపుడు , You made my day అన్నారు. అసలు మేము అనాలనుకున్న మాట వారన్నారు. ఆ జ్ఞాపకాలతో మురిసిపోతూ తిరుగు ప్రయాణమయ్యాము.

2 comments:

చిలమకూరు విజయమోహన్ said...

బాపుగారికి జన్మదిన శుభాకాంక్షలు.అదృష్టవంతులు మీరు.

sriram velamuri said...

ADRUSTAM,MEE BHAGYAM